४०
भावनेच्या मुळे अंतरला देव । शिरला संदेह भये पोटी ॥१॥
पोटी होते मागे जीव द्यावा ऐसे । बोलिल्या सरिसे न करवे ॥२॥
न करवे त्याग जीवाचा या नास । नारायण त्यास अंतरला ॥३॥
अंतरला बहु बोलता वाउगे । अंतरीच्या त्यागेविण गोष्टी ॥४॥
गोष्टी सकळांच्या आइकिल्या देवे । कोण कोण्याभावे रडती ती ॥५॥
ती गेली घरास आपल्या सकळ । गोधने गोपाळ लोक माय ॥६॥
मायबापांची तो ऐसी जाली गति । तुका म्हणे अंती कळो आले ॥७॥
४५४७ पृ ७६० (शासकीय), ३८४८ पृ ६७५ (शिरवळकर)