अवघा झाला
रामराम । कोणी कर्म आचरेना ॥१॥
महाराज रा कीरतण नूंवै जोश अर उछाव सूं सरू हुया । महाराज रै लोक-उध्दार रो अर
जन-जागरण रो साधन भजन-कीरतण ।
तुका म्हणे केली साधना गाळणी । सुलभ कीर्तनी होऊनी ठेला ॥४॥
भगवान श्रीकृष्ण रो जलम मथुरा रो, पण प्रेम रो सुख लूंट्यो गोकुळ रा लोगां; महाराज
रो जलम देहू रो पण भक्ति-प्रेम रो सुख लूंट्यो लोहगांव रा लोगां । लोहगांव महाराज
रो नानाणो । महाराज रा कीरतण हमेसा लोहगांव में हुया करता । एक दिन दो संन्यासी
महाराज रै कीरतण में आयर बैठग्या । उणां नै कांई दीस्यो - स्त्री-पुरुष कथा-कीरतण
बहोत मगन हुयर सुण रैया है । छोटा-बडा, ब्राह्मण, शूद्र एक-दूजै रै पगां लाग रैया
है । भेदभाव खतम हुयोड़ो है । ओ निजारो देखर उणां तुकारामजी री निंदा करनै
ब्राह्मणां नै भिसट्यो । थे कर्म सूं भ्रस्ट हुयग्या । कर्म रो मारग छोडर राम-राम
करण नै बैठग्या । बै बठै सूं निकळग्या । खाख (बगल) मांयली मृगछाळा संभाळता-संभाळता
न्याव मांगण सारू दादोजी कोंडदेव कनै गया ।
काखे कडासन आड पडे । खडबड खडबड हुसकले ॥१॥
दाद करा दाद करा । फजीत खोरा लाज नाही ॥धृ॥
अवघा झाला रामराम । कोणी कर्म आचरेन ॥३॥
दाद करा दाद करा । फजीत खोरा लाज नाही ॥धृ॥
उणां फरियाद करी - “लोहगांव रा ब्राह्मणां ब्रह्मकर्म छोड दिया है । बै शूद्रां रै
पगै लागै है और राम-राम करै है । अधर्म बध रैयो है । इण वासतै आपनै उणां नै दंड
देवणो चाहीजै ।” दादोजी आप रा सैनिक भेजनै ब्राह्मणां नै १०० रुपियां रो दंड दियो ।
तुकारामजी नै अर लोहगांव रा लोगां नै आवण सारू कैवायो । महाराज लोहगांव रा लोगां रै
साथै पूना रै संगम माथै आया और कीरतण सरू कर दियो । तुकारामजी आवण रो पतो लागतां ई
आखी पूना नगरी महाराज रा दरसण सारू अर कीरतण सारू भेळी हुयगी । दादोजी ई टुर्या ।
दादोजी, तुकारामजी रो कीरतण सुणण नै बैठग्या । संन्यासी ई बैठ्या हा । उणां नै
तुकारामजी परमात्मा रै रूप में दीसण लागग्या । उणां माथै इसो प्रभाव पड़्यो कै बै
तुकारामजी रै चरण में लिटग्या ।
दादाजी उणा नै उणां री प्रतिक्रिया रो जबाब पूछ्यो कै,“ ब्राह्मण शूद्र रै पगां पड़ै
है, अधर्म हुय रैयो है, आ सिकायत आप ई करी ही और आप ई पगां पड़ो हो, आ कांई बात ?”
बै बोल्या “ म्हांनै कीरतण में तुकारामजी में नारायण दीसे है ।” खुद दादोजी
तुकारामजी रो सत्कार कर्यो और संन्यासियां री थूका-फजीती करनै उणां नै शहर सूं
बारै काढ दिया ।
