बालगोपाल

चित्र : क्षितीज थिगळे

अनुवाद : लछमण हर्दवाणी

हे भग॒वान , परमेश्वर विठ्ठल ! प्रेम जे गा॒ल्‌हियुनि जी हिक आखाणी थो बु॒धायां.

बु॒धंदें छा ? पंहिंजो पाण यादि अची वे‍ई, तंहिंकरे बु॒धयां‍इ थो.(१)

हिंकु गरीबिड़ो हरणु पंहिंजनि बि॒नि ब॒ठिड़नि (ब॒चनि)

सां हिक झंगल में ख़ुशीअ सां चरी रहियो हो.(२)

एतिरे में अचानक हिकु शिकारी उते अची पहुतो .

हुन सां गडु॒ ब॒ तमामु वडा॒ शिकारी कुता हुआ.(३)

उन शिकारीअ उन्हनि हरणनि खे पकिड़ण लाइ हिक पासे

जा॒रु विछायो त बि॒ए पासे शिकारी कुता बिहारे छडि॒याईं. (४)

टिएं पासे तमामु वडी॒ बाहि बा॒रे उहो रस्तो बि बंदि करे छडि॒याईं.

पोइ चोथें पासे शिकारी पाण शिकारु करण जे इरादे सां वञी बीठो. (५)

हे भग॒वान, अहिड़ीअ तर उहो हरणु पंहिंजनि नंढिड़नि ब॒चनि

सां गडु॒ च‍इनी पासनि खां संकटनि में घेरिजी वियो.

उन वक़्‌ति उन्हनि मन ई मन में तुंहिंजो सुमिरनु कयो. (६)

उन्हनि दांहं कंदे करुणा सां पुकारे चयो,

हे राम, हे कृष्ण, हे हरि, हे गोविंद, हे केशव, हे देवनिजा देव !

हाणे तव्हां ई अची असांजी रख्या कयो. (७)

हे पिता परमेश्वर, हे विठ्ठल,

हिन संकट जे वक़्‌ति तोखां सवाइ बि॒यो केरु असांजी रख्या कंदो ? (८)

पोइ तो बर्‌साति खे आज्ञा करे बर्‌साति वसाई

ऐं हिक पासे ब॒रंदड़ बाहि विसाए छ्डी॒. (१०)

बि॒ए पासे हिकु सहो पैदा करे उन जे पुठियां

उहे शिकारी ब॒ कुता डोड़ाए छडि॒या. (११)

तुंहिंजी इन अजीब लीला खे डि॒सी उहे हरण डा॒ढो ख़ुशि थी

विया ऐं पोइ उतां सलामतीअ सां हलिया विया

इहो चवंदे त भग॒वान ई असां खे बचायो आहे. (१२)

हे देव, अहिड़ो तूं बेहदि किर्‌पालू आहीं.

तूं पंहिंजनि प्यारनि भक्‍तनि ते अहिड़ी

ई महिर कंदो रहंदो आहीं. (१३)

संतु तुकाराम चवे थो त हे भग॒वान,

तुंहिंजी अहिड़ी कीर्ती(नामूसु) मूंखे डा॒ढी वणे थी.

हे रखुमाईअ जा पती विठ्ठल, मुंहिंजी बि रख्या कयो. (१४)